凸首選舉

近期城中熱話選特首，網民藉藝人姜大衛「過橋」，將佢最近幫人壽保險公司拍咗嘅一輯廣告，改編成諷刺「凸首」選舉嘅短片，上載一日已經有超過8500人次收看！段片模仿姜大衛個保險廣告，用好似介紹保險咁嘅方式介紹「凸首」選舉，諷刺「凸首」選舉被人操控，唔使智商、唔理民望，只要面皮夠厚、夠服從就有得受你玩，仲好大膽話「唔會因為有個婦人轉軚而踢你出局」、「夫婦同時見報可加同情分」。網民仲搞咗個假熱線「4670-9394」，意思係「死佬出嚟．搞三搞四」！